|
OHARRA: Bertso eskolako argazkia ostegun honetan aterako dugu |
|
asteazkena, 2008(e)ko iraila(r)en 03-(e)an 11:15etan |
|
Jakina den bezala, bertso eskolak aurtengo Santa Anastasia jaietako pregoia irakurriko du datorren irailaren 19an. Ekitaldi garrantzitsu horren aitzakian, azken urteotan bertso eskolatik igaro diren guztiei deialdi berezia luzatu nahi zaie, bihar, osteguna, arratsaldeko 7:30etan, Urretxuko kultur etxe aurrera ager daitezen. Guztiok, heldu zein gaztetxo, elkartu eta bertso eskolako familia argazkia aterako dugu. Jarraian, mokadutxo bat banatuko da bertaratzen diren guztientzat. |
|
Bertso eskolako ohorezko kideen bazkaria Aginan, ikasturteari hasera emateko |
|
larunbata, 2008(e)ko abuztua(r)en 30-(e)an 14:54etan |
 | | Juanjo Sagastibeltza, atzo Aginan
| |
Abuztua amaitzear delarik, 2008-2009 ikasturteari hasera emateko bertso eskolako egungo eta garai bateko kideen anai arteko bazkaria ospatu genuen atzo Aginako Oleta elkartean. Gorka Ojanguren, Fernandez-Lasa anai arrebak, Gorka Azkarate, eta Legazpitik etorritako Asier Iriondo eta Nerea Elustondo (azken hau Legazpitik baino Teruel aldetik propio etorria) bildu ginen Miren Josu Begiristainek prestaturiko bazkaria dastatzera. Guztien buru, bertso eskolaren aro modernoaren bultzatzaileetako bat: Juanjo Sagastibeltza. |
|
Gehiago irakurri...
|
|
Giro bikaina eta bertso ederrak, Itsasoko herri afarian (*) |
|
larunbata, 2008(e)ko abuztua(r)en 23-(e)an 20:04etan |
| | Xabi Paia eta Beñat Gaztelumendi
| |
Aurtengo Bartolome deunaren jaiei hasera paregabea eman zieten atzo Itsasoko herritarrek eta hainbat bisitarik, Elustondo anai-arreben trikiti doinuek eta Xabi Paia eta Beñat Gaztelumendi bertsolarien bertso jardun oparoak alaitutako herri afarian. Itsasoko plazan jarritako karpa leporaino bete zen eta erromeriak goizeko ordu txikietan bizirik zirauen, artean, bart gaueko giro freskoari aurre eginez. (*) PASARTE GOGOANGARRIENAK IKUSGAI DAGOENEKO BIDEOEN ATALEAN |
|
Gehiago irakurri...
|
|
Zumarraga-Urretxuk saio bikaina osatu arren, Lesaka garaile |
|
osteguna, 2008(e)ko uztaila(r)en 31-(e)an 09:58etan |
| | Atzoko protagonistak
| |
GR-16 ekimenaren barnean, lehenengo faseko bosgarren saioa jokatu zuen atzo Zumarraga-Urretxuk, Lesakaren aurka, Lesakako Kattu ostatuan. Bertako barnetegiko ikasleak izan ziren, nagusiki, entzule, eta baita gaijartzaile zein epaile ere. Gureek saio dotorea osatu zuten, akatsik gabea eta tarteka dizdiratsua, baina entzulegoak etxekoen aldeko hautua egin zuen, bozka gutxigatik izan bazen ere. |
|
Gehiago irakurri...
|
|
Uda garaian, bertso eskolakoak plazarik plaza |
|
astelehena, 2008(e)ko uztaila(r)en 28-(e)an 19:02etan |
| | Azkarate, Igartua eta Gaztelumendi
| |
Orain zenbait aste bertso eskolako ikasturteari amaiera eman genion arren, bertsoa bilakatu da udako beroari aurre egiteko freskagarri eraginkorrena. Hamaika Bertute ekimenak eskaintzen dituen aukerak probestuz, Oreretan izan zen Uxue Fernandez kantari iragan ostegunean. Atzo, berriz, Gorka Azkaratek egun pasa itzela egin zuen Beñat Gaztelumendi añorgarrarekin batera Duruko txaboletan. |
|
Gehiago irakurri...
|
|
<< Hasiera < Aurrekoa 1 2 3 4 5 6 7 8 9 10 Hurrengoa > Amaiera >>
|
|
Orria 1 Zenbatetik 13 |
