|
Giro bikaina eta bertso andana Aizpurutxoko lehenengo afarian |
|
igandea, 2010(e)ko otsaila(r)en 07-(e)an 19:24etan |
| | Ojan, Azka eta Lizarazu "Ginz"
| |
Iragan ostiralean, Aizpurutxoko Itziar jatetxean otsailean egingo diren afarien artean lehenengoa izan genuen. Gorka Ojanguren, Aitor Lizarazu eta Gorka Azkarate izan ziren kantuan (ofizialki, behintzat). Saioak aurrera egin ahala, ordea, bertaratutako guztiek izan zuten kantatzeko aukerarik. Gaueko ordu txikietan amaitu zuten jarduna, makina bat bertso kantatu ostean.
|
|
Agerraldiz beteriko otsaila, martxora begira motorrak berotze aldera |
|
asteartea, 2010(e)ko otsaila(r)en 02-(e)an 07:33etan |
| | Manex Mantxola
| |
Sorpresaz beteriko Martxoan Bertsoa 2010 dagoeneko ate-joka dugun honetan (hilabete baino ez da geratzen zortzigarren aldiz hilabete iraungo duen zikloaren zurrunbiloan murgil gaitezen), otsailean bertsoaz gozatzeko hainbat aukera izango ditugu. Ezkio-Itsasoko bertso eskolakoen Santa Ageda bezperako erronda, Aizpurutxoko Itziar jatetxean egingo diren bertso afariak, Urretxu eta Zumarraga enegarrenez elkarren aurka borrokatzera bultzatuko dituen Gaztelekuko bertso desafioa... Otsailean ere, beraz, bertsoa protagonista.
|
|
Mungiako San Antontxu lehiaketan, hirugarren saria Jone Alberdirentzat |
|
asteazkena, 2010(e)ko urtarrila(r)en 20-(e)an 08:51etan |
| | Jone Alberdi
| |
Iragan asteburuan, San Antontxu bertsopaper lehiaketako sariak banatu zituzten Mungian. Jone Alberdik, beste sari bat gehitu zion bere zerrenda oparoari. Oraingoan, hirugarren saria lortu zuen gazteen mailan, webgune honetan irakurgai dagoen "Munduari bira 80 egunetan" lanagatik. Gazteen mailan Aitor Etchezuri azkaindarra izan zen nagusi eta helduen mailan Julian Albistur, Aitor Albistur eta Iñigo Legorburu errenteriarrak izan ziren saridun.
|
|
Bertso eskola berezia, KKinzona irratian |
|
larunbata, 2010(e)ko urtarrila(r)en 16-(e)an 17:04etan |
| | Ginz, Ojan eta Azka, KKinzonan
| |
Bertso eskolakoon ohitura kultur etxean biltzea bada ere, tarteka egin izan dugu "egoitza" aldaketaren bat edo beste ere. Horrela, gaur goizean, KKinzona irratiaren estudioa bilakatu da gure bertso-kabi. Ia bi ordu iraun duen saioan, hor aritu dira Aitor Lizarazu "Ginz" (honek irratiko teknikari eta esatari lanak ere egin ditu, besteak beste), Gorka Ojanguren eta Gorka Azkarate kantuan. Datozen hilabeteotan irrati bidezko saio gehiago egingo direla iragarri dute, gainera.
|
|
Zona Zeroko saioetako pasarterik onenak, dagoeneko ikusgai |
|
asteazkena, 2009(e)ko abendua(r)en 30-(e)an 17:10etan |
| | Gorka Ojanguren kantuan
| |
Pasa den astean, bi bertso saio izan ziren Urretxuko Zona Zero tabernan, azken urteotako ohitura mantenduz. Bertso saio horietan, amaitzear dagoen urtean herrian izandako gertakari aipagarrienen inguruan aritu ziren bertsotan bertso eskolako kideak, proiektatutako argazkien laguntzaz. Saio horietan izandako bertsoaldi aipagarrienak, ikusgai daude dagoeneko webgune honetako bideoen sailean.
|
|
<< Hasiera < Aurrekoa 1 2 3 4 5 6 7 8 9 10 Hurrengoa > Amaiera >>
|
|
Orria 1 Zenbatetik 29 |
